ديار الزهيري - مطور مواقع [Iraq Coders] - عراق كودرز | iraq coders

اكبر تجمع لطلبة الحاسبات في العراق

الأحد، 5 فبراير، 2017

ديار الزهيري - مطور مواقع [Iraq Coders]


البطاقة الشخصية 

الاسم :  ديار طلال الزهيري
المواليد :  1995
الدراسة : مرحلة رابعة / كلية التربية / علوم الحاسبات




  مواقع التواصل الاجتماعيه 

Facebook : Diyar T alzuhairi
instagram : diyartalal
E-mail : dedomadrid@gmail.com









...  ديار وبدايته مع التكنولوجيا 

بشكل متساوي أحب البرمجة والكتابة والرياضه . بدايتي بهل مجال كانت من الرابع ثانوي . لان قبل هل مرحلة جنت ملتهي 
بـ Gta و Pes 6 ومجان عندي أي نشاط ثاني على الحاسبه 😁 . أساساً حتى لو جان عندي نشاط .  بهذاك الوكت جان الانترنت ميساعد  . الاختراق هو صاحب فضل جبير بـ الـ تعلمته . اول شي تعلمته بـ 2011 هو الاختراق عن طريق الصفحات المزورة . ولو هالشي كلش مال مبتدئين بس أنتا كـ هاوي . شعور حلو من تخترق أول مرة . واني حسيت بهذا الشعور وتقريباً اول اسبوع تعلمت بي الاختراق عن طريق الصفحات المزورة . أخترقت للاسف هواي ناس  وكل الغربه الـ يصادفون الروابط الانشرها -جنت بفترة مراهقة -. يعني من الاخير  مخليتها بنفسي وهذهِ مشكلة أي شخص يتعلم اختراق بالبدايه  . بعد هذا الاسبوع تعلمت طريقة ثانية للاختراق شويه اصعب من الاولى, سويت فايروس برمجته بالفجول بيسك - الكودات جانت جاهزه بس عدلت عليهن -. وهذا الفايروس لازم اربطه بموقع حتى يشتغل بشكل صحيح وحتى اربطه بموقع . اضطريت اتعلم شلون أسوي موقع .  بحيث جان هذا الفايروس يندمج وي اغنية او برنامج او صورة , وأي شخص يشغل هذا الفايروس بجهازة , تندز للموقع" الـ اني مسوي" كل الحسابات والباسوردات الموجودة بجهاز الضحية الـ شغل الفايروس . وهاي الطريقة الـ سويتها يسموها Kaylogger . بعد ما سويت هاي الطريقة مال اختراق , لكيت روحي أعرف شلون أعدل على كودات أي موقع وصارت عندي معرفه بل استضافات وشلون ارفع ملفات الموقع من الحاسبة للاستضافه . فـ بوكتها سويت منتدى vb . ورا ما سويت منتدى vb .تعلمت أساسيات الـ Html & CSS وضليت اسوي مواقعOffline.واتعلمت على تطوير الوردبريس والبلوجر .  كل هل الاشياء التعلمتها جانت خلال فتره شهر واحد بس من سنة 2011 مو اكثر . وره هل شهر ألتهيت بهوايات غير البرمجة , وتركتها .
ومنا بدة قصة iraq coders وصفحة علوم حاسبات 

 لان التعليم الجامعي في بعض الجامعات يكتل بذرة الابداع عند الطالب ويقلل واهسه بأختصاصه ويحوله من متعلم مبدع الى متعلم مقلد . صار لازم أسوي صفحه احاول أجمع بيها اغلب طلاب الحاسبات بالعراق . حتى كل واحد يشوف انجازات الثاني ونفس الوقت حتى يحس الطالب او المتعلم أن طرق التعلم كلها مفتوحه اله واكو هواي مصادر ومواقع من شأنها ان تساعد المتعلم وتخليي يصير الافضل بأختصاصه  ونفس الوقت اريد الطلاب والهواة يشوفون أنوا اختصاصات مثل الحاسبات كلش مهمه بكل دول العالم واصحاب هل اختصاصات هم مهمين للدول التفكر بتطوير نفسها . و أحد أهم اهداف الصفحه هي أن ألغي فكرة التعيين من عقل طالب الحاسبات . لان اكو افكار أفضل من المفترض أن تحل مكان فكرة التعيين فقط . مثل العمل على الانترنت والربح من الانترنت والعمل الحر للمصممين والمبرمجين والمطورين . والحمد لله هواي ناس تفاعلت وي الصفحه والموقع. وهواي ناس استفادت وحسيت أنُ كدرت أغير شي ولو بسيط 
وأن شاء الله بالمستقبل تكون لـ iraq coders بصمه مهمه بمستقبل هواة وطلاب اختصاصات الحاسبات. 



هناك 8 تعليقات:

  1. اتمنى لك كل التوفيق انسان راقي بمعنى الكلمة

    ردحذف
  2. اتمنى لك كل التوفيق انسان راقي بمعنى الكلمة

    ردحذف
    الردود
    1. شكراً هاجر الوردة .. أتشرف بيج

      حذف
  3. ورده ديار ربي يوفقك واشوفك باحسن المراتب يارب ����

    ردحذف
    الردود
    1. شكراَ ندى صديقتي الطيبة .. ربي يوفقج وان شاء الله اشوفج احسن وحده بأختصاصج

      حذف
  4. الله يوفقك اكثر واكثر وإنشالله وأتمنى اوصل لهيج شي بس مداعرف��

    ردحذف