احدث المواضيع
recent

ماهو المصدر المفتوح

ماهو المصدر المفتوح 



ماهو المصدر المفتوح ومايعنيه ويطلق ايضا Open Source مبدئيا مثل هذا الموضوع لاينحصر فقط ضمن تقنيات المعلومات IT لانه يتلخص في منع احتكار العلم والمعرفة .

وهي تنطبق في نظام التشغيل اللينكس ولغات البرمجة التي انبثق منها نظام التشغيل مثل javascript و PHP .

المصدر المفتوح هو نظام ينطيني القدرة بمعنى تستطيع اخذ مثلا نسخة من البرنامج او العمل عليه لغرض التعديل والتنفيذ من دون القيود ويعتبر في قمة التقدم والانجاز .

ماهي الاسباب التي تجعلنا نستخدم نظام المصدر المفتوح ؟

1 - التعليم : 

ماهي افضل الطرق للتعلم يسأل هواي ناس شنو احسن شي اتعلم من خلال الكورسات ام الكتب ام مشاهدة الفيديوات وطبعا كل هذا الطرق هي تتعلم بها الاساسيات ولكن كيف تكتسب المهارة في التعامل مع الشي لكي نطبقه بشكل احترافي كيف ستتراكم لدينا الخبرات الحقيقية الحل الوحيد هو ان تجلس مع احد يفهم هيجي شي زين اني منين اجيب مصدر افهم منه هيجي شغل ؟

المصادر المفتوحة هي افضل الطرق للتعلم شلون هاي ؟

في الأول نفهم معنى كلمة المصادر المفتوحة أو الـ Open Sources، لو اكو مبرمج و يسوي برنامج لوحده أو يشتغل وياه فريق في شركة و سووا برنامج معين فراح يكون البرنامج هذا بامتداد .exe مثلًا لو جنت تستعمل ويندوز ، زين هذا ينفع نشوف الكود اللي يشتغل منه البرنامج كغرض للتعلم أو عالمود نعدل بيه؟
لو المبرمج كان مديك ال Source Code للبرنامج ساعتها هتقدر إنك تشوف الكود بتاعه غير كده لأ.
انت من تشوف الكود اللي يشتغل منه البرنامج راح تشوف طرق جديدة و طريقة تفكير جديدة وراح تشوف اشلون الناس اللي موجودين في السوق يشتغلون. 
هذا ببساطة ينطيك خبرة، و لو المبرمج هذا راح مثلاً نزل الـ Source Code على موقع مثل GitHub بذاك الوكت راح يقدر ناس ثانية هواي  إنهم يتعلموا و يستفيدوا منه.


2- الجودة:

اكو نظام تشغيل مفتوح المصدر اسمه Linux اللي عمل ال ” نواة Kernel ” الخاصه بالنظام هذا اسمه Linus Torvalds و طلع قانون اسمه Linus Law قال فيه :
“Give enough eyeballs, all bugs are shallow”
المقصود بيه إنه المصادر المفتوحة المطورين و المبرمجين و الـtesters
اللي يشتغلون عليها راح يبقوا أكثر من المبرمجين اللي يشتغلون على Software مغلق المصدر، هذا بيرجع لأن كل الناس الها حق إنها تشوف الكود اللي مشتغل منه ال Software فراح تقدر إنها تكتشف أخطاء وتعدلها، فالأخطاء راح تبقى  أقل و في حالة اكتشاف خطأ راح يتم  حله. فالنتيجة النهائية إن الـSoftware اللي بيطلع بتكون كفائته عالية.
3- السعر:

هنا لازم نوضح الفرق بين الـOpen source والـFree software
الـFree software هي برامج مجانية متاحة لأي احد يستخدمها لكن مو شرط تكون Open source .. اكو  منها بتكون مجانية ومفتوحة المصدر واكو منها يكون مجاني لكن صاحبها محتفظ بالشيفرة المصدرية وحق التوزيع وليس مسموح لأي احد يعيد توزيعها أو يعدل فيها.

الـOpen source
في الغالب معظم البرامج مفتوحة المصدر بتكون مجانية على عكس البرامج مغلقة المصدر اللي تضطر إنك تشتري License عالمود تستعملها .. لكن اكو منها ايضا بتكون بفلوس إنما قليل كولش بس الفلوس هنا مو موضوعنا، احنا موضوعنا إن الكود مالتها يبقى متوفر.


4-إمكانية التعديل:

في البرامج مغلقة المصدر  مثلًا Microsoft Word ماراح تكدر ابدا تعدل شيء، حتى لو كان فيه خطأ كل اللي راح تسويه إنك هتبلغ بيه الشركة و تنتظر ال Update اللي جاي، لكن في البرامج مفتوحة المصدر تكدر تعدل براحتك و لو فيه مشكلة تكدر إنك تحلها مو لازم تبعث للشركة و تنتظر ردها هذا لو انت عندك القدرة والمعرفة اللى تشتغل بيها ، بس ايضا احنا موضوعنا الإتاحة أو إمكانية حدوث هذا.

5- المساعدة:

في مجموعات كثيرة جدًا تكدر إنك تطلب منها المساعدة لو قابلتك مشكلة و انت تستعمل برنامج مفتوح المصدر، غير هذا راح  يبقى في معظم الأحيان موجود بيه Documentation ممتاز جدًا للبرنامج أو نظام التشغيل اللي انت تشتغل عليه  غير هذا يبقى اكو بيه Wikis ايضا .

bassim ali

bassim ali

أحد اعضاء فريق عراق كوديرز ,حيث يسعى جميع اعضاء هذا الفريق التطوعي الى نشر المعرفه التقنية والتكنولوجيا وترجمة المقالات الاجنبية وكل ما نقوم به هو محاولة بسيطة لتحسين الواقع التقني في العراق

يتم التشغيل بواسطة Blogger.